بسم الله
شرح اليوم حيكون للوحدة المربع الحلزوني
استخدمتها لعمل بطانيه
لمزيد من صور البطانيه زوري حسابي في انستقرام
اول شغله بوضحها لكم
رمز الغرزه اللي راح تكون اساس عملنا بداية من الدور الثاني
رمزها في الباترون المرسوم زي منتو شايفينه في الصوره وفي الباترون المكتوب
bp dc
بالعربي غرزة البريد الخلفيه
هنا طريقة شغل الغرزه بالصور واضحه صح
الدور الاول
الصوره الاولى الدائره السحريه ونرتفع ٣سلاسل
الصوره الثانيه نبدأ نشتغل ٨ عامود بلفه
الصوره الثالثه انتهينها من الاعمده ماراح نقفل الدور لا حنكمل شغلنا دوران بدون قفل
الدور الثاني
حنبدا نشتغل تزايد
يعني مقابل كل غرزه تحت غرزتين فوق بالبريد الخلفيه او العامود الخلفيه
من اول عامود حيكون عدد الاعمده 16عامود مع نهاية الدور الثاني
الصوره 1...
وضحت فين وكيف حيكون شغلك للعامود
حتلفي الخيط ع السناره تدخلي السناره من الخلف للامام نفس الصوره الثانيه
تلفي الخيط ثاني مره وتسحبي وتكملي شغل العامود عادي جدا
تابع الدور الثاني
لاحظي الصوره 4
اشتغلنا اول عامود ولاننا بنشتغل على تزايد فحنرجع نشتغل العامود الثاني برضو خلفي وفي نفس المكان موضح في الصوره 5
واخيرا حينتهي الدور بعدد 16 غرزة بريد او عامود خلفي بالتزايد
الدور الثالث
برضو حيكون دور تزايد بعد كل عامود خلفي حنشتغل عامودين خلفيه في نفس الغرزه
الصوره ١
وضحت بداية الدور حتكون في العامود السابق
الصوره 2
اشتغلت اول عامود خلفي
الصوره 3
حنكمل عامود عامودين عامود عامودين لاخد الدور وينتهي الدور ب 24غرزة عامود خلفي
الدور الرابع
الصوره 1 و 2
حيكون شغلنا بنفس الطريق تزايد بعد كل غرزتين يعني عامود خلفي عامود خلفي تزايد عامودين خلفي
الصوره 3 و 4
شكل الغرز وينتهي الدور الرابع ب 32 عامود خلفي
الدور الخامس
هو الدور الاخير وهو الدور اللي حيتحول الشغل فيه من دائري الى مربع فركزو معايا فيه صور كثير توضيحيه للدور الاخير
الصوره 1
وضحت مكان شغل اول غرزه في الدور الخامس هي حتكون تكوين اول زاويه للمربع
وحتكون الزوايا عباره عن
تزايد عامودين بلفه بينهم 3سلايل كلها فب غرزه وحده
الصوره 2
استغلت اول عامود بلفتين خلفي
الصوره 3
ارتفع 3 سلاسل
الصوره 4
اشتغلت تاني عامود بلفتين خلفي
وبكذا نكون اشتغلنا اول زاويه للمربع
الصوره 5
نشتغل 7 عامود بلفه خلفي
الصوره 6
بدأت اشتغل الزاويه بنفس طريقة الزاويه السابقه
الصوره 7
كملت شغل 7اعمده خلفيه واشتغلت الزاويه الثالثه وحكمل 7 اعمده خلفيه والزاويه الرابع بنفس الطريقه
الصوره 8
لتوضيح شغل الزاويه الرابعه والاخيره
اخر خطوه في الدور الخامس
حنشتغل الضلع الاخير بعد الزاويه الرابع
حتشتغلي 3عامود بلفه
3نصف عامود
1حشو
1منزلقه
زي ماهو موضح في الصور
الشكل النهائي للوحده
وحيتبع طريقة تشبيكهم واخترت الطريقه اللي احبها انا لاني انسانه احب استخدم الابره فحشبك لكم وحدتين في بعض عشان تشوفوهم
شكل وحدتنا البسيطه جدا والجميله جدا جدا من الامام والخلف
للتشبيك حتطبيقي وجهين الوحدتين على بعض
وتبدأي بالخيط والابره تشبكيها من السلسله الثانيه اللي في زوايا المربع
وتستمري خياطه الي الوصول للسلسله الثانيه من زاوية المربع في نهاية الضلع
الشكل النهائي بعد التشبيك
وهنا اعادة للتشبيك بشكل اوضح
حشرح طريقة تشبيك بأبسط طريقه واحب طريقه عندي ....
حشبك بإستخدام خيط اسود وابره اكبر شي عشان تكون واضحه لكم
حشبك بإستخدام خيط اسود وابره اكبر شي عشان تكون واضحه لكم
الخطوه الاولى وجهين الوحدات متقابلين للداخل
الخطوه الثانيه تحددي الغرزه المشتركه بين الضلعين في كل مربع وندخل الابره فيها من الفتله الخلفيه للغرزتين في الوحدتين
هنا بعد اشتغلنا اول غرزه ولاحظي طرف الخيط اتركيه شويا طويل عشان لما تنتهي تأمنيه وتخفيه مزبوط
الغرزتين التاليه لاحظي هنا صار واضح في اي فتله للغرزه ندخل ابرتنا
هنا انتهينا من الضلع اللي انتهى في الغرزه المشتركه بين الضلعين ودا شكل الوحدتين من الخلف
من الامام ولاحظي يمين الصوره التثبيت كان بالخيط الابيض واللي عاملتو بالاسود نفس الفكره
حثبت وحده ثانيه ونفس الشي الوجهين لبعض للداخل
بنفس الطريقه ندخل الابره في الغرزه المشتركه بين الضلعين وتكون في الفتله الخلفيه للغرز
نكمل بنفس الطريقه السابقه
الشكل من الخلف
من الامام
انتهى
الله الله عليكى ياهند وعلى الروعة ماشاء الله لاقوة الابالله ربنا يزيدك من علمه وفضله
ردحذفأحسنتي...
ردحذفروعه ياهند
ردحذف