بسم الله نبدأ ......
درسنا صغير وسريع بحكم انه سبق شرحه في الجزء الاول من قياسات قاعدة الحذاء اللي اتعرفنا فيه على الفكره وشرحت فيه الباترون بالصور ونفذنا عليه موديل ...
وكان درسنا السابق للقياس من الولاده الى السنه ...........
درسنا اليوم عباره عن باترون موحد نشتغله بقياسات سنارات متسلسله للحصول على قياس قاعدات حذاء لعمر سنه الى ثلاثه سنوات مع مراعاة جدول القياسات اللي نزلته وحرجعانزله مره ثانيه .........
واضح في الصوره نوع خيطي مواصفاته (سماكه 3 اكريليك بسناره مقترحه 4 ملم) و (4 قياسات للسناره) حوضحها بعد شويا .......
ملاحظه ...
اذا ماعندك نفس الخيط استخدمي اي خيط بسماكه ثلاثه او اي خيط مكتوب عليه ان قياس سنارته المقترحه (4ملم) ولو ماعندك اتشطري وطبقي الحاجه ام الاختراع .. خدي خيط ناتشورال واستخدميه فتلتين او خيط اليزا فتلتين لانه احنا مبدعات وعندنا الاف الحيل والاسرار في عالم الكروشيه ...........
اللي اول م ه تشوف درس القاعدات ترجع للدرس القديم عشان تفهم وماتتلخبط .......
يتبع.....
الباترون دا غير الاول في عدد الغرز والتنفيذ نفس السابق عشان كدا ماراح اعيد شرحه ......
وحتى لما انزل موديل شوز جديد حكون خلاص مجهزه القاعده لاني خلاص شرحتها ...........
يعني لو بتنفذي شوز لعمر سته شهور مثلا استخدمي الباترون اللي نزلته في الجزء الاول من الدرس تبع العمر تحت السنه .....
ولو بتشتغلي لعمر سنتين استخدمي دا الباترون اكيد فهمتوني ............
نجي للكلام المهم الباترون حيكون بدايته (15 سلسله)
وتمشي في الخطوات زي مهو موضح في الباترون ....... يتبع
القياس الاول ......
نفس الباترون السابق تم تنفيذه بإستخدام خيط سماكه ثلاثه و سناره (3.5 ملم) حصلت على قاعده بقياس ( 4.75 انش يعني اربعه وثلاث ارباع الانش = 12سم ) ودا القياس مناسب لعمر (12 الى 18 شهر) ...... يتبع
القياس الثاني ......
نفس الباترون السابق تم تنفيذه بإستخدام خيط سماكه ثلاثه و سناره (4.25 ملم) حصلت على قاعده بقياس ( 5 انش = 12.5سم ) ودا القياس مناسب لعمر (18 الى 24 شهر) ...... يتبع
القياس الثالث ......
نفس الباترون السابق تم تنفيذه بإستخدام خيط سماكه ثلاثه و سناره ( 5 ملم) حصلت على قاعده بقياس ( 5.5 انش = 14سم ) ودا القياس مناسب لعمر (24 الى 30 شهر) ...... يتبع
القياس الرابع ......
نفس الباترون السابق تم تنفيذه بإستخدام خيط سماكه ثلاثه و سناره ( 5.5 ملم) حصلت على قاعده بقياس ( 6 انش = 15.5سم ) ودا القياس مناسب لعمر (30 الى 36 شهر).
وبكدا انتهى درسنا .
ليست هناك تعليقات:
إرسال تعليق