خطوات عمل بروش كروشيه+تطريز

الدرس هو بروش اللوحه الصغيره 

تحتاجي 

خيط قطن ابيض لوسط الشغل .... 

خيط قطن بلون مختلف مناسب لعمل اطار اللوحه وانا اخترت الكموني الفاااتح ...

سناره مناسبه للخيط ............

خيوط تطريز اي نوع مو شرط ماركه محدده الموجود يمشي بألوان مناسبه للورود والورق الاخضر .......

ابره ومقص .............

وعشان اختصر عليكم لا تعقدو نفسكم في الالوان والخيوط

جربي واستخدمي الموجود عندك لاني لاحظت بنات كثير يحطو العقده في المنشار ونفسها تشتغل بس دايما تقول ماعندي خيط ماعندي دا اللون ماعندي دي الماركه

عادي يابنات اتركي لنفسك مجال التجربه واستغلي الموجود عندك

يمكن يطلع اجمل من اللي بقولك عنه فهمتوني ؟........

طيب كدا يصير خيط النتشورال كوتون الرفيع والسميك ينفع اهم شي خيطك يكون مناسب لسناره من 1ملم الى2.5ملم ......

لانه الخيط الاسمك من كذا حيعطيكي نتيجه قطعه كبيره مو حلوه لبروش

مجموعة باترونات تم طلبها

بطانية الكاروهات الكلاسيكيه كروشيه

حيكون الدرس شرح لطريقة شغل البطانيه المخططه او بطانية الكاروهات الكلاسيكيه للي مو عارفين ايش الهرجه راجعو حسابي انستقرام @hindmayan .

الفكره ابسط من البساطه نفسها حشرحها وياويل وحده تجي تقول ايش نوع الخيط او نزلي باترون او مقاس السناره او او او من الاسئله اللي كثير بنات يصعبو الشغله على نفسهم بيها . .

حتنبسطو في شغل البطانيه وحتستمتعو بالالوان وترتيبها وحتدعولي مو؟ . . .

نصائح مهمه لكل الكروشيهات

نصائح مهمه لكل الكروشيهات خصوصا اللي يملو من مشاريعهم وماتكمل

حل مشكلة ميلان خط البداية في الكروشيه 1-(غرزة العامود)

بسم الله نبدا ....... 

اليوم حيكون درسنا عن مشكله تواجه اغلب اللي بيشتغلو كروشيه فيهم اللي عرفت تحلها

وفيهم اللي ماعرفت

وفيهم اللي ماتدري انها مشكله وشي مالازم يحصل ....

في بنات كثييير بيطلبو مساعده بس للاسف مو الكل بيساعد المهم انو

اليوم حنتعرف على (الجزء الاول الخاص بغرزة العامود بلفه)

وهو ..... فين اشتغل اول غرزه وفين اقفل وكيف احافظ على خط الارتفاع مستقيم بدون ميلان فشغل الدائره والاسطواني 

الصوره نماذج لشكل الارتفاع

الاخضر طبعا خطأ وخطأ فادح

الاصفر هو الصح واللي لااازم يكون عليه شكل قطعتك

لاحظي فالنموذجين تركت خيط البدايه وخيط النهايه عشان يوضح الانحراف فالشغل والاستقامه

طبعا السبب فالميلان هو

((( اذا الميلان متجه لليمين فمعناه انك مشتغله غرزة البدايه فمكان خطا ولو الميلان لليسار فمعناه انو اشتغلتي اخر غرزه خطا ))) فالاغلب ينتج عن الميلان زياده فعدد الاعمده او نقص........

النموذج الاصفر لاحظي مستقيم لانه غرزة البدايه فمكانها الصحيح وغرزة النهايه كذلك وسلاسل الارتفاع في كل دور بمثابة عامود وعمرو ماراح تلاقي اختلاف فعدد الاعمده لو اشتغلتيها كدا ..

النموذجين الثانيه لتوضيح الانحراف او الميلان فعمل القاعده الدائريه والارتفاع بغرز منفرده نفس الاسباب السابقه الذكر واكيد واضح الصح من الخطأ ودا كثير يشتكو منه فعمل القبعات وماشابه

......يتبع

حل مشكلة ميلان خط البداية في الكروشيه 2-(غرزة الحشو)

الجزء الثاني 

نبدا بسم الله ....

اليوم حنتعرف على وحده من طرق تعديل انحراف الارتفاع فغرزة الحشو ...

الصوره فيها نموذجين لشغل الحشو بشكل اسطواني .....

الايمن يوضح الميلان اللي بيحصل عند اغلب البنات واللي يكون سببه انها ماتشتغل الغرز فمكانها الصحيح .....

وع اليسار نموذج ناجح للشغل وتلاحظي اختفاء الميلان بنسبه كبيره ..... يتبع

النموذجين فالصوره للشغل بقاعده دائريه ونلاحظ يمين نموذج ناجح للارتفاع .... اليسار الشكل الخطأ واللي بيحصل بنفس السبب السابق الذكر ............... اليوم حنتعرف على وحده من طرق تعديل ارتفاع الغرزه فالشكلين ........ يتبع

حل مشكلة ميلان خط البداية في الكروشيه 3-(غرزة النصف عامود)

ندخل فالدرس اللي هو الجزء الاخير من درسنا السابق .... وحنتعرف فيه على محاوله تعديل خط ارتفاع الشغل في غرزة النصف عامود .. سميتها لكم من قبل بالغرزه العنيده والسبب .. انها لايمكن يختفي ميلان خط البدايه مهما حاولتي دايما مايل وعنيد ... فدرسنا حيكون كيف نخفف ظهور الميلان مع وجوده وركزو على مع وجوده ...........يتبع

لاحظي النموذجين في الصوره لقطعه مشغوله بغرزة النصف عامود النموذج يمين خطأ السبب بروز الميلان بشكل يشوه القطعه .. النموذج يسار صح السبب اختفاء بروز الميلان رغم وجوده الا انه صار تقريبا مخفي وغير واضح مثل النموذج الخطأ ........... يتبع

نموذجين لشغل دائره مع ارتفاع لاحظي النموذج فوق صح والسبب اختفاء البروز لخط الارتفاع .... النموذج تحت خطأ السبب بروز واضح لخط الارتفاع... لاحظنا الفرق ولاحظنا ان الميلان موجود لكن خففنا التشوه من البروز ودا الحل الوحيد مع غرزة النصف عامود بعد محاولات تبكي تبكي تبكي الخطوات الصحيحه للعمل ................ يتبع