بسم الله نبدا .......
اليوم حيكون درسنا عن مشكله تواجه اغلب اللي بيشتغلو كروشيه فيهم اللي عرفت تحلها
وفيهم اللي ماعرفت
وفيهم اللي ماتدري انها مشكله وشي مالازم يحصل ....
في بنات كثييير بيطلبو مساعده بس للاسف مو الكل بيساعد المهم انو
اليوم حنتعرف على (الجزء الاول الخاص بغرزة العامود بلفه)
وهو ..... فين اشتغل اول غرزه وفين اقفل وكيف احافظ على خط الارتفاع مستقيم بدون ميلان فشغل الدائره والاسطواني
الصوره نماذج لشكل الارتفاع
الاخضر طبعا خطأ وخطأ فادح
الاصفر هو الصح واللي لااازم يكون عليه شكل قطعتك
لاحظي فالنموذجين تركت خيط البدايه وخيط النهايه عشان يوضح الانحراف فالشغل والاستقامه
طبعا السبب فالميلان هو
((( اذا الميلان متجه لليمين فمعناه انك مشتغله غرزة البدايه فمكان خطا ولو الميلان لليسار فمعناه انو اشتغلتي اخر غرزه خطا ))) فالاغلب ينتج عن الميلان زياده فعدد الاعمده او نقص........
النموذج الاصفر لاحظي مستقيم لانه غرزة البدايه فمكانها الصحيح وغرزة النهايه كذلك وسلاسل الارتفاع في كل دور بمثابة عامود وعمرو ماراح تلاقي اختلاف فعدد الاعمده لو اشتغلتيها كدا ..
النموذجين الثانيه لتوضيح الانحراف او الميلان فعمل القاعده الدائريه والارتفاع بغرز منفرده نفس الاسباب السابقه الذكر واكيد واضح الصح من الخطأ ودا كثير يشتكو منه فعمل القبعات وماشابه
......يتبع
نتعرف على الشغل فالشكل الاسطواني فين نبدا وفين ننتهي وفين نقفل ...........
اشتغلت عدد سلاسل قفلتها دائره وارتفعت 3 سلاسل شي ضروري فبداية كل دور لاحظي مكان الدبوس اول فتلتين بعد الارتفاع هي مكان اول غرزه
(يعني ماتشتغلي فالفتله الوحيده اللي تحت الارتفاع لالالالا) الصح شوفي اول فتلتين سلسله هي المكان الصحيح ..... يتبع
اهو هنا انتهيت من الدور بالاعمده ولاحظي اخر غرزه فين اشتغلتها عليها دبوس ..
ومن بعدها تقابلك ثلاث سلاسل الارتفاع اللي بمثابة اول عامود فالسلسله الثالثه تقفلي الدور بمنزلقه وضحتها بدبوس .....يتبع
لاحظي قفلت بمنزلقه في سلسله الثالثه للارتفاع
ولاحظي الاربع ادوار نفذتها بنفس الطريقه من غرزة البدايه وغرزة النهايه والقفل وحسبت الارتفاع كأول عامود فالدور
راجعي الصورتين السابقه وحاولي تطبقيها فنموذج صغير
((((( اشتغلي 20 سلسله اقفليها دائره وابدي ارتفاع 3 سلاسل كأول عامود ونفذي الخطوات وحتنجحي فحل المشكله ))))) ................ يتبع
ــــــــــــــــــــــــــــــــــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــ
ـــــــــــــــ
نبدأ بالشغل على دائري .....
دائره سحريه او اربعه سلاسل واقفليها دائره واشتغلي وسطها ....
ارتفاع ثلاث سلاسل بمثابة اول عامود وكملي بعدها احدى عشر عامود تحصلي على(12 عامود) ...
اقفلي فالسلسله الثالثه للارتفاع موضحه بدبوس ....... يتبع
قفلت الدور الاول بمنزلقه فالسلسله الثالثه من الارتفاع اللي حسبناه اول عامود ................
الدور الثاني ارتفعي ثلاث سلاسل كأول عامود الدور دا بنظام الدائره حيكون كله تزايد
فلاحظي اول تزايد حيكون فنفس مكان الارتفاع تشتغلي عامود واحد مع الارتفاع صار تزايد صحيح عندك
وتكملي باقي الغرز مقابل كل غرزه غرزتين تزايد .......
الدبوس نوضيح لاول غرزه بعد الارتفاع ......... يتبع
صوره للتوضيح مكان اول تزايد قلت نحسب الارتفاع عامود ونشتغل عامود ثاني فنفس مكان الارتفاع وتحصلي على اول تزايد فالدور ..... الدبوس يوضح مكان اخر تزايد فالدور ........ يتبع
توضيح اخر تزايد فالدور الثاني والدبوس في السلسله الثالثه من الارتفاع هو مكان قفل الدور ....... يتبع
الصورتين لخطوه وحده لكن بفرق بسيط .....
الدور الثالث بنظام الدائره عباره عن غرزه تزايد وغرزه منفرده كلنا نعرف دا الشي وحافظينه صم لكن في بنات تقول الدور لازم يبدا بالتزايد وبنات تقول لا يبدا بمنفرده ...
طيب مو مشكله الاتنين صح الصح بس لما اكون ببدا الدور بالتزايد فين اشتغل ولما اكون ببدا بمنفرده فين اشتغل هو دا الكلاااااام اللي لازم يتوضح................ شوفي معايا وركزي ....
(((تبغي تبدي الدور بمنفرده معناتو الارتفاع حيكون هو اول عامود منفرد ومكان الدبوس فالصوره رقم واحد هو مكان التزايد الاول تشتغليه فأول فتلتين بعد فتلة الارتفاع يعني مو مع الارتفاع )))....
((( بتبدي الدور بتزايد طبقي اول غرزه فمكان الدبوس فالصوره رقم اثنين وحبكون الارتفاع بمثابة عامود وكدا صار البدايه تزايد ))) ..
ركزو فيها كويس لانه الانحراف دايما يبدأ من هنا لو اشتغلتي غلط ... فكل الطريقتين انتبهي انو لو بدأتي بتزايد لازم تنتهي بمنفرده ولو بدأتي بمنفرده لازم تنتهي بتزايد .... حلو الكلام؟ ;-)
اهو بعد القرقر الكثير فالصوره السابقه اخترت ابدا الدور بتزايد فشتغلت عامود مع الارتفاع فصار اول تزايد ولاحظي مكان الدبوس حيكون منفرده ونكمل النظام نفسه لكل الدور....... يتبع
نهاية الدور الثالث الدبوس لتوضيح مكان القفل ...... يتبع
قفلت الدور الثالث فالفتله الثالثه من الارتفاع اللي احتسبناه اول غرزه ......
وكدا لو بتكملي ادوار تزايد تتبعي نفس النطام انا خلاص حبدأ اشتغل ارتفاع عشان يوضح خط البدايه وكيف انحلت مشكلة ميلانه ........ ارتفعت ثلاثه سلاسل بمثابة اول عامود ومكان الدبوس هو بداية شغلي بغرز منفرده كل غرزه ع السطر مقابلها غرزه منفرده لنهاية الدور ..... يتبع
الصوره توضح اخر غرزه فالدور والدبوس يوضح مكان القفل فالفتله الثالثه من الارتفاع اللي حسبناه كأول عامود لاحظو اني بكرر عشان ماتنسوها ...... يتبع
كدا قفلت ولو بتكملي تتبعي نفس النظام وحتنجحي بإذن الله في تفادي انحراف او ميلان خط البدايه ولاحظي النتيجه فالصوره ..... يتبع
النموذجين الناجحين جدا جدا جدا ..... ... كدا نكون حلينا مشكلة الميلان فشغلنا بغرزة العامود ...... وان شاء الله حنكمل بعد كدا الحشو والنصف عامود
عندي نفس المشكلة في القبعات وعجزت اصلحها رغم ان عدد الغرز مزبوط ومكان غرز البداية والنهاية تمام
ردحذفاعمل مشاريع كبيرة تنجح واعمل طاقية يطلع في ميل خفيف لكن يظهر في نهاية الشغل بشكل غير مرضي ;-)
تسلم ايدك
ردحذفباقى الدرس الاقيه ازاى ؟
هو حتى في الصور الي سويتيها انتي في ميلان خفيف ولما تكون القطعه كبيره بيكون واضح الميلان!!!
ردحذف