حيكون الدرس شرح لطريقة شغل البطانيه المخططه او بطانية الكاروهات الكلاسيكيه للي مو عارفين ايش الهرجه راجعو حسابي انستقرام @hindmayan .
الفكره ابسط من البساطه نفسها حشرحها وياويل وحده تجي تقول ايش نوع الخيط او نزلي باترون او مقاس السناره او او او من الاسئله اللي كثير بنات يصعبو الشغله على نفسهم بيها . .
حتنبسطو في شغل البطانيه وحتستمتعو بالالوان وترتيبها وحتدعولي مو؟ . . .
ايش نحتاج للشغل؟ .
تحتاجي خيوط سناره مقص وابره كبيييره وطويله . . الوان الخيوط تعتمد ع الذوق فيها لونين اساسيه ثابته.. ويكونو بمثابة لمسه وسط الشغل اللي هما الابيض والاحمر اساسي لانه دايما يكونو موجودين في دا النوع من البطانيات . . لونين اساسيه متغيره واللي حتكون هي اللوان البطانيه ونستخدمها بكثره وتكون لونين متناسقه مع بعض... . . انا في الصوره وتطبيق اليوم اخترت البني والزيتي لونين اساسيه متغيره كل وحده تختارها حسب الذوق وتكون بكميه كااافيه لانه احتياجنا لها كثير وحسب حجم البطانيه..... والابيض والاحمر اساسيه ثابته تدخل مع كل الالوان الابيض نحتاجه بكميه متوسطه والاحمر كمل لفه قليله تكفي لانو استخدامه اقل شي...
هنا باترون لعمل اساس البطانيه اعتقد بسيط جدا مايحتاج شرح .... تشتغلي عدد سلاسل بحجم البطانيه اللي تحتاجيها وتزودي عن الحجم شويا يعني لو بتشتغلي بطانيه عرضها متر اشتغلي طول سلاسل متر وعشرين سم لانه بعد ماننهي الشغل حتلاقي البطانيه شدت تكه فهمتوها... . . طيب كيف يكون ترتيب الالوان؟... انا اقولكم كيف في الصوره التاليه اهم شي استوعبتو الباترون البسيط جدا جدا جدا.... تعالو نعرف كيف نرتب الالوان. . .
نجي للمتعه الا وهي ترتيب الالوان... قلت من البدايه في اللوان اساسيه ثابته ابيض واحمر وفي اللوان اساسيه متغيره حسب الذوق اخترت للتطبيق بني وزيتي شوفو كيف رتبتهاوبدون قاعده للعدد اهم شي تتوزع بشكل متناسق بغض النظر عن عدد الاسطر...... . . بدات بني خمسه صفوف... ابيض صف.... زيتي صف... اعاده ابيض صف.... اعاده بني اربعه صفوف.... ابيض صف.... زيتي سبعه صفوف.... ابيض صف.... بني صف.... اعادة ابيض صف..... اعاده زيتي اربعه صفوف ..... ابيض صفيين.... وكدا كل كم صف لون اساسي متغير ندخل ابيض وبعده اساسي متغير وتبديل اهم شي نفصل بين كل لون اساسي متغير واساسي متغير ثاني بصف او صفين ابيض وانتي حره في عدد الصفوف اهم شي تعرفيه انه الاساسي الثابت اللي هو الابيض تستخدميه للفصل بين الالوان وبعدد مايتجاوز الصفين كل مره يارب عرفت اوصلها ....
بعد مانخلص شغل اساس البطانيه وبالحجم اللي نبغاه نجي لمرحلة تكوين الخطوط الكلاسيكيه للبطانيه وفي هذه المرحله حنستخدم نفس الالوان وندخل معاهم الاحمر لانه اكيد لاحظتو اننا مااستخدمنها في التأسيس بس حيكون معانا في هنا... نجي لقص الخيوط اول شي الخيوط حندبلها اقل شي من كل لون خيطين وممكن توصل الى سته يعتمد على سماكة الخيط اللي تستخدميه.. . . حتبدي تقصص الخيوط اطول من البطانيه بما لا يقل عن عشرين سم يعني طول البطانيه وصلتيه مترين تقصي الخيوط مترين وعشرين او مترين وخمسه وعشرين لازم يكون فيه زياده....... وصلت؟ . .
خلاص جهزنا كمية من الخيوط المقصوصه حنبدا بالابره الطويله ندخل الخيوط من بين الفتحات بالتبادل زي شغل النول المسطح ركزو في الصوره كيف التبادل الابره الاولى والثانيه... يارب واضحه؟ . .
هنا بعد مامررت كم خط بني اضفت احمر واحد ابيض واحد وحكرر احمر واحد وممكن اكمل كم خط بني وممكن ابدا زيتي..... المهم لاحظي تركت زيادة الخيط بداية القطعه ونهايتها عرفتو ليش قصينا الخيط بزياده عن طول البطانيه؟ وكل نهاية تمرير اعقدي طرفين الخيط من فوق وتحت عشان يثبت . .
الشكل النهائي الخطوط الطوليه فكرتها نفس فكرة التأسيس للبطانيه مافي عدد محدد للون الاساسي المتغير... والالوان الاساسيه الثابته الابيض والاحمر مجرد لمسه نفصل بيها بين الالوان المتغيره...... . . كمية الخيط غير محدده تعتمد ع الحجم المطلوب للبطانيه اهم شي تعرفيه ان الكميه الاكبر تكون من اللونين الاساسيه المتغيره.... والاحمر والابيض اقل.............. انتهينا الحمد لله............ . . اللي حابه تشوف صور بطانيتي تراجع حسابي @hindmayan #مع السلامه
جميله ماشاء الله
ردحذفعمل رائع وشرح ممتاز♥
ردحذفبارك الله فيج علي الشرح المميز
ردحذفيعطيك العافيه شرح واضح ووافي .. ♥ متابعة لك دائما ♥♥♥
ردحذفالحين الالوان اقدر اسويه نفس الترتيب الي سويتيه بعدين اعيده?
ردحذفماقصرتي انا اتابعج من قبل 6 سنوات
ردحذفاستمري جهد متعوب عليه